المحتوى الهادف ما يطش مثل المحتوى الهابط ؟

 هو ليش المحتوى #الهادف ما يطش مثل المحتوى #الهابط ؟

اني اگلك..

"الشغلة تعتمد على متصفحي هاي التطبيقات"

مثلاً

انت دتتصفح وشفت واحد ديتمرغل بالطين او ديسوي شغلة فاول .. شراح تسوي؟ (الي ديصير)

اما ترزله بكومنت ..

او تاخذ سكرين شوت للمنشور وتدزه لجماعتك وشوفو هذا شديسوي !

او اذا فيديو راح تحفظه وتدزه لجماعتك حتى يضحكون عليه ..

او تنطيه لايك حتى يصير بالشغلات المحفوظة عندك وتشوفه لجماعتك

هذا الي دتسوي راح يساهم ينشر هذا المحتوى أكثر وأكثر !

ليش؟

لان خوارزميات التطبيقات راح تعتبره لهذا المنشور محتوى رائج وتقترحه لغيرك وغيرك وتساهم بانتشاره أكثر و #يطش !

بينما الحل الاسهل هو انه تعبر هيج منشور او تبلغ عليه (بدون لايك وكومنت)

وتدعم الصفحات الي تقدم محتوى هادف حتى توصل لاكبر عدد ممكن من الناس